Fene edita o primeiro calendario turístico do municipio que se entregará gratuitamente

O Concello vén de editar o primeiro calendario turístico de Fene. Unha publicación diferente na que cada mes se ilustra con imaxes dos principais recursos turísticos do municipio e das actividades levadas a cabo no marco da I Mostra Vén a Fene. A Concellería de Promoción Económica, promotora da iniciativa, informou de que se realizou unha tirada de 5.000 exemplares que, a partir de hoxe, se entregarán gratuitamente a veciños e veciñas. Os interesados en facerse cun deles tan só deben solicitalo no departamento municipal, no propio consistorio. Alí se entregarán ata agotar existencias. Os primeiros douscentos calendarios repartíronse xa o pasado domingo, no transcurso da celebración do I Mercado Benéfico Un Nadal para todos.

A publicación, ademáis de reseñar as datas destacadas no próximo 2015, tamén inclúe teléfonos de interese tanto de servizos públicos como das propias asociacións do municipio.