Especial cociña de Nadal no Centro Comercial Arousa

O Centro Comercial Arousa celebrará mañá xoves, a partir das 20:00 h. e na aula de Cociña da 2ª planta, un taller especial de Cociña de Nadal no que os asistentes aprenderán a sacarlle o máximo partido a ingredientes tan característicos destas datas como son o peixe e o marisco, perfectos, por outra banda, para confeccionar un menú lixeiro, dixestivo e moi saboroso co que sorprender a familiares e amigos nestas festas tan sinaladas.

O curso, de carácter gratuíto e de acceso libre até completar aforamento, estará impartido pola chef e nutricionista Marian Rodríguez, que nesta ocasión elaborará zamburiñas con xamón gratinadas na súa cuncha, piruletas de lagostino e kikos con salsa de marisco, e arroz meloso con rape, congro e lagostinos ao azafrán.

As receitas poderanse consultar en www.ccarousa.com ao concluír a sesión