Casa das Muñecas no Carballiño

O sábado, 13 de decembro, o Auditorio do Carballiño acolle  a representación teatral “A Casa das Muñecas” a cargo de Teatro del Norte. A función está prevista para as 20,00 h. e o prezo da entrada será de 5 euros.

Casa de Muñecas

Estréase o 21 de Decembro de 1879 no teatro real de Copenhague e con esta obra podemos dicir que comeza o teatro moderno. Nora, como a gran maioría dos personaxes de Ibsen, non se conforma con vivir unha vida cotiá coas súas alegrías e os seus contratempos. Necesita unha misión que realizar, un proxecto que se atopa por encima das súas forzas, pero un proxecto que lle permite impoñerse aos outros, que lle permite non cumprir as normas da moral, que lle permite ser, finalmente, ela mesma e poder desenmascarar así a mentira en que se volveu a súa vida. Nora é unha rapariga educada para levar unha venda nos ollos e que serve de xoguete ao seu pai e ao seu marido. Cando se lle cae a venda, porque ama e arríscao todo para salvar ese amor, a imaxe que ten de si mesma dá un envorco fenomenal e aparece, a gran innovación que establece Ibsen para fundar o teatro moderno, a acción interior. Nora, ao descubrir a súa mentira vital, ao descubrir o seu verdadeiro ego fronte ao que simula ser, convértese entón nunha persoa decidida e capaz de loitar para demostrar que as mulleres poden ser libres e iguais aos homes, ata superiores; para demostrar que hai que loitar para romper as mentiras, para defender as ideas, aínda que a maioría das veces, por desgraza, sintámonos sos, incomprendidos e ao final derrotados, pero orgullosos de intentar esa viaxe para conseguir chegar a demostrar que somos alguén.