Carolina Bescansa participa nos almorzos do Colexio de Xornalistas en Santiago

A cofundadora e secretaria de Análise Política e Social de Podemos, Carolina Bescansa, participará o próximo xoves, día 11, nos almorzos ON/OFF do Colexio de Xornalistas de Santiago, que se organizan coa colaboración da Galería de Sargadelos.

Nacida en Santiago de Compostela en 1971, Carolina Bescansa estudou Socioloxía e Ciencias Políticas en Granada, especializándose en Dereito Constitucional e Ciencia Política en Madrid.

Cunha bolsa FPI, iniciou o seu doctoramiento que se desenvolveu posteriormente no Departamento de Socioloxía da Universidade de California, en San Diego, no marco dun programa de estranxeiros. A partir de 1995, traballou na Universidade Complutense de Madrid como profesora de Metodoloxía.

O 11 de marzo deste ano, Carolina Bescansa, xunto a Pablo Iglesias e Juan Carlos Monedero rexistrou Podemos como partido político. Nesta formación, ocupou a secretaría de Análise Política e Social e o 15 de novembro foi escollido como membro do Consello Cidadán con arredor do 85 por cento dos votos.

Esta nova rolda de encontros comezou o pasado 23 de outubro con Anxo Quintana, e continuou con Xoán Bascuas (Compromiso por Galicia) e Xavier Vence (BNG). Está previsto que acudan diversos dirixentes de todas as formacións políticas.