Apertura do prazo para a XIX edición do concurso de Beléns Públicos de Ourense

A concellería de Cultura do Concello de Ourense convoca o Concurso de Beléns Públicos, en colaboración coa Asociación de Belenistas de Ourense.

Esta é a XIX edición deste concurso e, como ven sendo habitual, poderán participar todas as asociacións de veciños e veciñas, culturais, agrupacións de calquera clase, colexios e particulares en xeral pertencentes ao municipio ourensán. As creacións que se presentarán serán de libre elección (tradicionais, góticas, enxebres, etc.), e en total establécense 1.350 euros nos premios a repartir en primeiro, segundo, terceiro, premio infantil e seis accésits.

O prazo de inscrición remata o día 12 de decembro, e haberá que facelo no Auditorio Municipal (rúa da Canle, 2), no teléfono 988 391 290, no Fax 988 232 577 ou no e-mail cultura@ourense.es. A información, as bases, así como a ficha de inscrición están tamén no apartado bases premios/ bases concursos da web <www.ourensecultura.com