A plataforma de afectados por cláusula do solo de Vigo cualifican de exemplar a sentenza da Audiencia de Pontevedra

PUBLICADO EN: Noticias de Galicia ► Vigo ▼
A-
A+

A sección Sexta da audiencia Provincial con sede en Vigo de novo apoia a retroactividade en canto á cláusula do solo, esta vez tratándose dun crédito hipotecario. Os maxistrados Alfaya, Picatoste e Míguez confirman o carácter abusivo da cláusula nun novo pronunciamiento de rexeitamento á inseguridade xurídica.

A plataforma, contraria á decisión do Supremo, que non considera a aplicación de retroactividade respecto da abusividade destas cláusulas, considera do todo esencial que un contrato demostrado pouco transparente sexa nulo desde o seu inicio e se devolvan todas as cantidades indebidamente cobradas, e por iso celebra este novo paso cara ao recoñecemento das súas demandas.

O grupo leva máis dun ano manifestándose ante as sucursais bancarias, e xa recibiu en resposta demandas por coaccións, coas que tentan frear a súa mobilización e sobre as que proximamente se pronunciará o xuíz. Sobre a nova Lei de Seguridade Cidadá declara que é un pau para o dereito de rebelión e un claro intento de mutilar o activismo, aínda que creen que non vai minguar as protestas polo abuso totalitario do sistema financeiro, porque ao pobo acabóuselle a tolerancia á mentira e ao medo.

12 de decembro de 2014 | 10:42 • Sen comentarios

Comentarios pechados.