A obra “La huella de Pedro Madruga en Cristóbal Colón” preséntase no Museo de Pontevedra

O Museo de Pontevedra acollerá o vindeiro día 30 a presentación dunha nova obra que defende a tese do Colón galego, neste caso afondando na teoría de que o navegante sería, en realidade, Pedro Madruga.

Trátase do ensaio La huella de Pedro Madruga en Cristóbal Colón, de Ángel Carracelas Requejo, que se presentará ás 20:00 h no salón de actos do Sexto Edificio.

O investigador acude a estudos coma os realizados polos historiadores Celso García de la Riega e Alfonso Philippot para tratar de demostrar a dualidade entre Pedro Álvarez de Sotomayor e Cristóbal Colón, afondando ademais en documentación histórica procedente do Arquivo Xeral de Simancas e do Arquivo Xeral de Indias, que lle permiten deducir que, en realidade, Pedro Madruga e Colón eran a mesma persoa.