A maxia e ilusión chega ao Edificio Multiusos de Monforte con Martín Camiña
Este venres día 2 de xaneiro, ás 18:00 h no Auditorio do Edificio Multiusos, viviremos “Momentos de asombro” co mago Martín Camiña.
Acompañado pola ilusionista Fani Triana, Martín Camiña presentará en “Momentos de asombro” o mellor dos seus espectáculos, un repaso ás ilusións máis impactantes que levou a escena ó longo da súa dilatada carreira profesional.
Maxias de preto, con cartas, moedas, dados, navallas…, e maxias de escena, con grandes ilusións, escapismo, cordas…, todo isto é “Momentos de asombro”.
Martín Camiña participou en numerosos congresos de maxia (Ourense, Granada, San Sebastián, Holanda, Zaragoza, Valencia, E.E.U.U., Xapón…), e tamén recibiu importantes premios.
Na súa carreira profesional destacan os seguintes galardóns:
– 3º Premio de España de Maxia de Preto, San Sebastián 2002
– 3º Premio no Congreso Internacional de Almusafes – Valencia 2007
– 3º Premio Asociación Portuguesa de Ilusionismo 2007
Na súa traxectoria, Martín Camiña ten presentado variados espectáculos, dos cales poderíamos destacar: “Corcheas, semifusas e ilusións. Unha obra máxica e musical”, “Momentos de asombro”, “Encantamentos de rúa”, “Feitizo”, ou “A outra realidade”.
As entradas para este máxico espectáculo terán un prezo de 3 euros para rapaces e rapazas, e 5 euros para os adultos.