A exposición de fotos antigas de Carral estará en Cañás ata o 7 de xaneiro
A Concellería de Cultura trasladará a exposición Fotos para as mil historias de Carral a Cañás, onde estará do 15 de decembro ao 7 de xaneiro.
As fotos exporanse no exterior do centro sociocultural, e durante as festas do Nadal poderán ser contempladas polas persoas que visiten as instalacións municipais.
A exposición presenta un cento de fotos antigas do municipio, con imaxes de grupos, actos sociais e relixiosos, deportes, escolas, etc.