A editorial viguesa Fosfatina presenta en Vigo o cómic de Begoña García-Alén ‘Perlas do Inferno’

A editorial independente viguesa Fosfatina presentará este venres no café Detrás do Marco, en Vigo, o cómic ‘Perlas do Inferno’, a última creación da autora pontevedresa Begoña García-Alén.

Trátase do terceiro traballo que publica a editorial, que naceu en febreiro de 2014 e que ofrece unha aposta polo cómic, o fanzine, as figuras coleccionables, a autoedición e a corrente do ‘Do it yourself’ -fágao vostede mesmo-.

Así, esta obra, que será presentada no café este venres ás 19,00 horas, encadea coas publicacións por parte da editorial das obras ‘Grizza Zono’ -colección cómic de autor- e ‘Infraluminosa/laminada’, de Andrés Magán e Alberto Fojo.