A aula CeMIT de Verín segue sendo a mellor de Galicia por actividades e número de usuarios formados

A aula CeMIT de Verín clausura o 2014 converténdose, por segundo ano consecutivo, na mellor de Galicia por número de usuarios/as formados/as e actividades programadas, segundo o ránking e datos da propia aplicación XEA da Xunta de Galicia.

Se nos anos 2011-2012, o posto que tiña a aula verinense era de sexto por actividades e de 36º por número de usuarios/as, o pasado ano logrouse alcanzar a primeira posición, manténdose tamén durante o 2014, cunha cifra de 125 actividades organizadas e 910 usuarios/as na mesma. Desde o ano 2012, e ata a actualidade, nesta aula impartíronse un total de 375 actividades (entre cursos CeMIT, accións externas e cesións de aulas), o que supón 9.035 horas impartidas e unha cifra total de usuarios/as participantes en devanditas actividades de 2.633.

De todas estas actividades programadas na aula CeMIT de Verín durante o ano 2014, impartíronse un total de 95 cursos nos que se abordaron cuestións como: internet, compras seguras na rede, Sixpac, iniciación á informática, busca de información na Internet, correo electrónico, ferramentas na nube, compras seguras, cloud computing, Hangouts, Youtube, como crear unha revista ou catálogo de produtos en liña con ISSUU, Google Docs, correo electrónico, DNI electrónico, administración electrónica, documentos on-line e presentacións on-line, opera co teu banco, alfabetización (iniciación, Internet, correo electrónico), redes sociais (Facebook, ferramenta na nube Google App, iniciación, Internet), ofimática (procesador de textos, folla de cálculo), Google + ou retoque fotográfico (presentacións gráficas), entre outros.

Con todo, na aula CeMIT de Verín tamén se desenvolveron ao longo deste ano outras 30 actividades como Programa Acting (Proxecto Europeo ACTing. Axentes sociais como promotores do envellecemento activo a través das TIC), Programa de alfabetización para mulleres inmigrantes OLA FABIOLA , seminarios do Centro de Novas Tecnoloxías de Galicia e o Centro Demostrador TIC de Galicia ( Desenvolvemento de aplicacións para IOS, Xestión de proxectos con metodoloxías áxiles, Routing en IPv4 con tecnoloxía CISCO, Coñecer a Sede Electrónica da Xunta de Galicia, Integración de redes de datos inarámicas e cableadas con tecnoloxía CISCO), xornadas de informática básica e alfabetización con Cruz Vermella Monterrei, xornadas da Antena Local de Verín da Cámara de Comercio e Industria de Ourense (Impostos especiais de fabricación. Novidades lexislativas 2014, Crea a túa marca empresarial e mellora a túa imaxe online e aumenta as túas vendas, O blog como ferramenta de comunicación, Taller sobre redes sociais e comercio electrónico, Curso de fotografía e retoque dixital básico), accións da Asociación Galega de tecnoloxías de Información e Comunicación (Manexando o noso teléfono Android, A nosa empresa en internet) e propias do Concello de Verín impartidas polo axente TIC (Kero-Kolo, Kero-Informátika, Kero-Kedar +, exame para a obtención da certificación galega de competencias dixitais CODIX, módulo de alfabetización dixital do Obradoiro de emprego ‘San Antón’, Videoconferencia con Papá Noel, Ludoteca 2014 ‘Convive en Igualdade’, Ludonadal 2014, II Xornadas de fotografía: Iniciación e retoque do Centro de Información ás Mulleres ou Promoción turística local e información ao visitante).