Xa van case 20.000 tapas vendidas nesta edición do Santiago(é)Tapas

A séptima edición do Santiago(é)Tapas entra nos seus últimos días e afronta a súa recta final até o vindeiro domingo 30 de novembro, cando remata o concurso de petiscos máis importante de Galicia. O alto nivel das 111 tapas que entraron na fase de competición fixo que os 69 establecementos participantes tiveran unha intensa actividade durante os últimos días, que previsiblemente vai aumentar aínda máis durante esta fin de semana. Os hostaleiros e os clientes están moi satisfeitos pola oportunidade de dar a coñecer os seus negocios e poder desfrutar de sorprendentes creacións durante ste gran evento de gastronomía en miniatura, que este domingo remata.