Unha banda sonora porá música ao 14 aniversario da muralla de Lugo como patrimonio

O Circulo das Artes de Lugo estreará o próximo día 30 unha banda sonora para conmemorar o 14 aniversario da declaración da muralla romana de Lugo como Patrimonio da Humanidade pola Unesco.

A concelleira de Cultura de Lugo, Carmen Basadre, explicou que dita banda sonora, ‘Anel de Pedra’, é obra de Abraham Cupeiro, que se fará acompañar de ‘Ensemble dos Sons Esquecidos’.

Tamén para ese día, ás 18,00 horas e no mesmo escenario, ofrecerase un concerto de Lucus Ensemble dirixido por Alejandro Troya cun repetorio de tangos de Carlos Gardel e Astor Piazzola. Seguidamente proxectarase outro vídeo conmemorativo; ‘Onte e hoxe da Muralla de Lugo’.

Todos estes actos son gratuítos, con “entrada libre” até completar o aforamento do Circulo das Artes. Segundo indicou a concelleira de Cultura, que destacou que un informe da Unesco acredita que o monumento bimilenario atópase “en bo estado”, aínda que recoñece que habería que mellorar o acceso en Porta Miñá.

Basadre resaltou o impacto no turismo da declaración e así precisou que o ano pasado a cidade recibiu “entre” 40 e 45.000 visitantes, e este ano pódese superar a cifra dos 65.000 turistas.