Un dos ingresados por lexionela en Lugo recibe a alta

Un dos catro anciáns ingresados no Hospital Lucus Augusti (HULA) da capital provincial afectados por lexionela recibiu o alta, segundo informaron fontes sanitarias.

Pola súa banda, outro dos ingresados evoluciona favorablemente e os restantes dous afectados por este brote permanecen estables dentro da gravidade.

A Consellería de Sanidade detectou o primeiro positivo por lexionela en Lugo a principios de novembro e activou entón os protocolos de investigación e control desta enfermidade.

Estes labores permitiron detectar que o brote de lexionela orixinouse nun circuíto de auga da residencia da terceira idade As Gándaras de Lugo, onde residían os ata agora catro afectados. A consellería realizou xa os labores de desinfección nesta zona e puxéronse en marcha medidas de control para evitar a propagación da enfermidade.