Ultreia Teatro representa a súa obra “La dama boba” no Centro Cívico de Caranza

A programación de novembro do ciclo de teatro afeccionado “Domingos a Escena”, da Concellería de Cultura do Concello de Ferrol, finaliza este domingo día 30 coa actuación do grupo de teatro Ultreia Teatro de Ortigueira. A obra “La dama boba” dará comezo ás 19:00 horas no Centro Cívico de Caranza e será gratuíta.

“La dama boba” é unha comedia escrita por Lope de Vega en 1613, ambientada no Madrid da época, que presenta a dúas xoves e velas irmás, A sinopse é a que segue: Finea e Nise, de cultura e carácter moi diferente. Nise dispón dunha dote modesta pero é apreciada por ser unha muller discreta (xuizosa, prudente, intelixente…) e con gustos literarios exquisitos. Finea dispón dunha dote catro veces maior que a de Nise grazas á herdanza dun irmán do seu pai, que considerou que esta dote especial facilitará que atope marido, pois, ao contrario que Nise, é considerada unha muller boba (ignorante, simple, inxenua…).