‘The Hole’ estréase na comunidade galega con seis funciones na Coruña

Presentación de The Hole na Coruña

O director do Coliseum, Javier Rodríguez, acompañado da Terremoto de Alcorcón, presentou esta mañá o espectáculo The Hole, que o Coliseum acollerá entre o 26 e o 30 de novembro: “Os coruñeses terán a oportunidade de sumarse ao máis de medio millón de espectadores que xa gozaron deste espectáculo único que vén avalado por 3 anos de éxitos”, asegurou Javier Rodríguez.

Tal e como explicou, A Coruña é a única cidade galega incluída na xira deste espectáculo por supono unha oportunidade para todos os galegos que queiran gozar desta orixinal proposta que suporá un novo reto para o Coliseum. O recinto terá que transformarse durante 5 días e converterse nun espazo diferente, ambientado como un club-cabaret con dispoñibilidade de 2.000 entradas para cada unha das 6 funcións que ofrecerán unha mestura de circo, burlesque, música e humor, nunha atmosfera desenfadada. “Imos poder gozar dun Coliseum como nunca o vimos, cunha montaxe que inclúe 100 mesas nas que o público poderá degustar comida, copas e interactuar cos camareiros que forman parte do espectáculo”, subliñou.

O protagonista deste evento, unha creación de Letsgo, Yllana e Paco León, é o Mestre de Cerimonias que organiza na súa mansión unha festa á que convida a todos os seus amigos que serán atendidos pola Ama de Chaves, os Mordomos e o resto do servizo da mansión.

Javier Rodríguez lembrou que con este novo show, o Coliseum continúa na liña de combinar grandes concertos con outro tipo de espectáculos de gran éxito nacional ou internacional como foron nos últimos anos as visitas de Les Luthiers, O Circo do Sol, O circo dos Horrores, Cantajuego, Disney on Ice ou Disney Live!. “O Coliseum segue demostrando a súa capacidade de adaptación e transformación para albergar todo tipo de espectáculos para todo tipo de públicos”, sinalou.

O Coliseum ofrecerá un total de 6 funcións: mércores e xoves ás 20.30 horas, venres ás 22.30 horas, sábado ás 19.30 e ás 22.30 horas e domingo ás 18.00 horas.

As entradas para as 6 funcións están á venda a un prezo que oscila entre os 14,40 e os 38 euros a través das canles habituais: despachos de billetes da praza de Ourense e de Afundación, a través de televenta 902 504 500, a web www.servinova.com ou o propio despacho de billetes do Coliseum os días de función. Javier Rodríguez destacou o bo ritmo de venda xa que xa se venderon máis de 1.000 entradas.