Teatro na fin de semana en Rianxo
Propostas do OUTONO CULTURAL 2014 a desenvolver nesta fin de semana na Área de Educación, Cultura e Normalización Lingüística do Concello de Rianxo:
Venres 28 de novembro
21.00 h – Auditorio de Rianxo
TEATRO: As do peixe espectáculo teatral escrito por Cándido Pazó
O espectáculo teatral As do Peixe, no cal se honra a memoria das traballadoras da conserva. Unha obra escrita por Cándido Pazó e dirixida por Cristina Domínguez da Pena coa interpretación das actrices galegas Casilda Alfaro, Mónica Caamaño, Susana Dans e Rocío González.
A obra está recomendada para maiores de 12 anos.
As entradas son de balde e poden retirarse (máximo 2 por persoa) unha hora antes do comezo da función.
A función está enmarcada no programa Outono Cultural que organiza a Área de Educación, Cultura e Normalización Lingüística do Concello de Rianxo ao abeiro da programación da Rede Cultural da Deputación da Coruña.
Sábado 29 de novembro
16.00 h – Rúas e prazas de Rianxo
ADORNA RIANXO: iniciativa de rianxeiros/as
Adorna Rianxo é unha iniciativa de rianxeir@s para adornar as rúas e prazas, para o Nadal, con pezas feitas con materiais de reciclaxe. Máis información no seguinte enlace de facebook comunidade adorna rianxo
19.00 h – Salón de actos do Auditorio de Rianxo
RIANXO EN GALEGO: o galego na corporación local organizada pola Plataforma Cultural Galega
Rianxo en Galego: o galego na corporación local organizada pola Plataforma Cultural Galega. Intervirán os exconcelleiros Anxo Vidal Vidal e Maribel Ces Hermo, Adolfo Muíños, alcalde de Rianxo; Hadriana Ordóñez, concelleira; Xosé Ramón Brea Rei, profesor e Xosé Agrelo, coordinador
21.00 h – Auditorio de Rianxo
TEATRO: COLÓN DEBE MORRER da Agrupación Teatral Criaturas
A Agrupación Teatral Criaturas estrea esta nova obra Colón debe morrer
A obra está recomendada para maiores de 12 anos.
As entradas son de balde e poden retirarse (máximo 2 por persoa) unha hora antes do comezo da función.