Outros 2 pacientes ingresados por lexionela no HULA reciben a alta

Outros dous pacientes da residencia pública As Gándaras de Lugo ingresados no Hospital Lucus Augusti (HULA) afectados polo brote de lexionela recibiron este venres a alta hospitalaria e os catro que permanecen hospitalizados “evolucionan favorablemente”.

Segundo o parte médico facilitado este venres polo HULA, no hospital segue ingresados dous pacientes da residencia da terceira idade das Gándaras, que “evolucionan favorablemente”, mentres que outros dous foron dados de alta.

En total deste centro de maiores deran positivo oito residentes, seis dos cales xa recibiron a alta dende o inicio do brote e dous seguen hospitalizados. Mentres, outros dous maiores da residencia privada San Salvador de Guntín (Lugo) permanecen hospitalizados no HULA polo brote de lexionela e tamén “evolucionan favorablemente”, segundo o parte médico deste venres.

Na residencia de maiores de Guntín rexistráronse catro casos positivos, dous dos cales xa recibiron a alta e dous seguen hospitalizados. Entre os positivos inclúese o dun traballador da residencia que non requiriu ingreso hospitalario.