Os veciños de Becerreá mostranse encantados de que Teresa Romero descanse na localidade

Os veciños da localidade lucense de Becerreá mostráronse “encantados” de que Teresa Romero, cuxa nai reside no municipio, descanse dende a tarde do mércores na localidade tras recuperarse da infección do virus do ébola.

Así, Áurea, que traballa no Bar Centro, resaltou a presenza de Teresa Romero e o seu marido no municipio e que están “encantada de que estea aquí, e sobre todo de que se curase”. “Levamos pena cando dixeron que a contaxiada era de Becerreá, un caso único en Europa e co contaxio á porta de ti casa”, apostilou.

Ademais, esta veciña comentou que non coñece a auxiliar, aínda que si ao seu irmán e á súa nai, aos que describe como “boa xente”. O irmán de Teresa compráballe os billetes “para o Alsa”, que se expiden no establecemento hostaleiro no que traballa.

Pola súa banda, fontes do Concello manifestaron que se atopan “cos brazos abertos” ante a presenza de Romero, que estiman que poida pasar moitos días neste municipio da montaña lucense, mentres desinfectan a súa casa en Alcorcón.

Teresa Romero e o seu marido, Javier Limón, “descansan” na casa da nai dela, onde o mércores unha veciña confirmaba que a filla lle encargara “caldo e chourizos”. “Díxollo cando estaba ingresada”, recordou esta veciña.