Os Ingleses enfróntanse ao Blusens Universidade de Vigo B

Mañá sábado a partir das 16:00 horas en Fontecarmoa Os Ingleses enfróntanse ao Blusens Universidade de Vigo B.

Os Vigueses chegan a Vilagarcia ocupando unha das dúas prazas de descenso e aínda non coñece a vitoria, isto convérteos nun equipo moi perigoso, máis aínda tendo en conta que o primeiro equipo de Vigo non ten competición este fin de semana e poderanse ver reforzados por varios xogadores do primeiro cadro de persoal.

Pola súa banda Os Ingleses que veñen de lograr unha gran vitoria fronte ao Mareantes quere facer valer o seu potencial en Fontecarmoa para lograr unha vitoria coa que mantería o pulso con Ferrol pola primeira posición da tempada regular que lle outorgaría o factor cancha na final da liga.

Mellorar o xogo con respecto ao último partido, no que se produciron demasiados erros non forzados, e manter o bo nivel defensivo dos dous últimos partidos son dúas das obsesións do corpo técnico de cara ao próximo encontro.

Para preparar o encontro,o mércores Os Ingleses desprazáronse a Pontevedra onde adestraron de forma conxunta co PRC. Este tipo de adestramentos que tamén veñen facendo de forma habitual con Vigo A son moi produtivos para o equipo e téntanse regularizar na medida do posible.

David Lema é o talonador dos Ingleses “ Este sábado temos un partido moi complicado, eles virán reforzados ao non ter partido o seu primeiro equipo. Vai ser unha boa proba de cara ao partido da semana que vén en Ferrol”

David Losada recupera para este partido a Diego e a Hache, Tiago é baixa por motivos laborais e Uru e Afasto seguen sendo baixas indefinidas.