O Santiago Futsal mídese esta noite ao FC Barcelona

O Santiago Futsal terá unha complicada proba esta noite no Palau. Visita ao FC Barcelona, segundo na categoría e recentemente clasificado para a Final Four. Será un partido difícil para os de Santi Valladares, que xa demostraron a súa capacidade competitiva e de superación plantándolle cara a grandes como El Pozo Murcia na súa visita a terras murcianas, e ao líder Inter Movistar, ao que lle igualaron o encontro de Copa e só cederon nos 10 últimos segundos.

O Santiago Futsal chega a este encontro tras cultivar un empate en Jumilla no encontro da 10ª xornada (2-2), partido no que, aínda que, puideron traer os 3 puntos, a fortuna do gol non estivo de face aos galegos. O encontro da 11ª xornada de Liga, correspondente ao pasado fin de semana, no que o Santiago Futsal recibía a Inter Movistar, foi adiantado e xogouse o 11 de Novembro, no que os galegos caeron ante o líder, nun bo partido dos de Santiago, por 2-4.

Pola súa banda, o FC Barcelona, chega a este encontro tras lograr a clasificación para a Final Four ao superar ao Lokomotiv Járkov por 5-0. Un FC Barcelona que non cedeu ningún punto desde o empate na 7ª Xornada fronte ao Pozo Murcia por 3-3.

Esta noite enfrontaranse ambos os conxuntos, co precedente do empate 2-2 da tempada pasada, nun encontro no que os de Santiago puxéronse 0-2, pero no últimos compases os locais igualarían o marcador. Agora FC Barcelona e Santiago Futsal mídense nunha pista na que ningún equipo conseguiu puntuar esta tempada.

O Santiago Futsal viaxa coas baixas de Lucho, Iván Rumbo e Marci, que quedou fóra a última hora por un proceso vírico. O FC Barcelona, pola súa banda, chega a este encontro coa posible baixa de Batería, lesionado no último encontro da Elite Round.