O Real Club Celta será o anfitrión da Asemblea Xeral da LFP

Tras a disputa hoxe en Balaídos do partido entre as dúas últimas campioas do mundo, España e Alemaña, a cidade de Vigo e o Real Club Celta manterán mañá a súa condición de referentes  no mundo do fútbol. O club celeste é o anfitrión da Asemblea Xeral da liga de Fútbol profesional, que se desenvolverá este mércores no Palacio de Congresos Mar de Vigo a partir das 9.30 horas.

Entre os asistentes, ademais dos máximos dirixentes dos clubs de Primeira e Segunda División, estarán o presidente do Consello Superior de Deportes, Miguel Cardenal, o presidente da LFP, Javier Tebas, e o presidente céltico Carlos Mouriño.

Durante a xornada de hoxe terá lugar no Parador de Baiona a Comisión Delegada da liga de Fútbol Profesional.