O pintor Andrés Otero Amoedo cede unha das súas obras ao Concello de Neda

Entrega da pintura

O alcalde de Neda, Ignacio Cabezón Lorenzo, recibiu de mans do pintor ferrolán Andrés Otero Amoedo unha das obras da súa mostra “Luz de Silencios”, que o público puido disfrutar recentemente na Casa das Palmeiras. O autor quixo deste xeito agradecer a colaboración que lle brindou o Concello, cedendo un dos seus cadros ao patrimonio cultural municipal. No acto de entrega tamén estivo presente a concelleira de Cultura e Educación, Eva Olmo.