O festival de panxoliñas de Vilaxoán chega a súa 46 edición este ano

O mes de decembro chega cunha das convocatorias máis tradicionais que se repiten en Vilagarcía por estas datas: a do Festival de Panxoliñas de Vilaxoán. A Coral Máximo Patiño organiza o evento que este ano terá lugar o día 20 de decembro a partir das 20 horas nos salóns da Confraría de Pescadores Virxe do Rosario. Os grupos ou colectivos que desexen participar xa poden inscribirse chamando ao números de teléfono 692 465 631 ou ao 639 613 678.

No festival poden participar todo tipo de formacións musicais, xa sexan infantís, xuvenís ou de adultos. Cada formación poderá interpretar dúas panxoliñas, de libre elección, con ou sen instrumentos. Os temas poden ser inéditos, tradicionais ou populares e interpretaranse en directo durante o festival que, como todos os anos, rematará de modo festivo coa actuación da Coral Máximo Patiño.

O prazo de inscrición remata o 19 de decembro.