O espectáculo familiar “Ebook, las edades del libro” repasará a evolución do libro no teatro Jofre

A Concellería de Cultura do Concello de Ferrol, que dirixe Manuel-Reyes García Hurtado, organiza o vindeiro domingo, día 16, o espectáculo familiar “Ebook, las edades del libro” no Teatro Jofre. Esta función dará comezo ás 18:00 horas e as entradas poderán ser adquiridas no despacho do teatro municipal ou a través da páxina web: www.ferrol.es (apartado Axenda Cultural).

A compañía “Spasmo” ofrece a máis fascinante e disparatada historia do libro e os seus protagonistas. Un espectáculo con vocación didáctica, educativo e moi divertido. Un repaso imprescindible a través do tempo que se interna no apaixonante universo do saber, dos grandes descubrimentos e da evolución da escritura e os seus distintos soportes ata o día de hoxe, culminando coa aparición do E-book, que dá nome ao espectáculo- Esta minuciosa revisión das distintas etapas da evolución do libro está salpimentada coa ironía, os mellores efectos visuais e sonoros e ten o humor xestual como sinal de identidade.