Novo servizo de ofertas de emprego na web municipal do Concello de Verín

Co obxecto de potenciar a función de intermediación entre os/as demandantes de emprego e o mercado laboral, os departamentos de Desenvolvemento Local e Orientación Laboral do Concello de Verín acaban de por en funcionamento un novo servizo de ofertas de emprego na web municipal (www.verin.es).

 Na mesma, os/as interesados/as poderán atopar información sobre ofertas públicas de emprego, do sector privado, formativas ou bolsas, entre outras cuestións. As mesmas recollen o tipo de oferta, descripción da mesma, data da publicación e contacto. Este novo servizo tamén oferta a posibilidade de suscribirse ao envío de devanditas ofertas, facilitando a interacción entre o ente municipal e os/as demandantes de emprego.