Máis de 4.000 persoas chegan ao Porto de Vigo a bordo do Celebrity Eclipse

Máis de 4.000 persoas, entre pasaxeiros e tripulantes, chegaron esta mañá ao Porto de Vigo a bordo do Celebrity Eclipse, que recalou na dársena viguesa sobre as 10.00 horas procedente de Arrecife (Lanzarote).

Durante a súa estancia en Vigo, o buque, pertencente á naviera Celebrity Cruises, trouxo a bordo un total de 2.861 pasaxeiros de 29 nacionalidades distintas, na súa maioría británicos (2.460 pax.), ademais de 1.214 tripulantes. Está previsto que sobre as 17.00 horas de hoxe continúe coa súa viaxe rumbo a Southampton (Gran Bretaña).

O Celebrity Eclipse permanecerá amarrado en Vigo durante sete horas. Pero non estará só. Durante a súa escala no Porto olívico compartirá peirao co megayate Luna, de 115 metros de eslora. O buque, considerado como un dos máis luxosos do mundo, arribou onte a Porto procedente do Mediterráneo, onde permanecerá á espera de que amaine o temporal, tras o que porá rumbo a Alemaña.

Datos técnicos Celebrity Eclipse

Con 315 metros de eslora e 37 de manga, o Celebrity Eclipse foi inaugurado en abril de 2010 e ten capacidade para albergar a un total de 2.850 pasaxeiros. Pertence á Clase Solstice e destaca especialmente polas súas camarotes AquaClass, ao incorporar elementos de spa especiais nos camarotes, ademais de ofrecer acceso exclusivo aos servizos de spa e asentos asignados no restaurante Blu.

Así mesmo, o Celebrity Eclipse conta, como gran novidade en alta mar, con The Lawn Club, unha cuberta superior con vistas ao mar con 2.000m² de céspede natural.

En canto á restauración a bordo, o buque de Celebrity Cruises dispón de dez restaurantes exclusivos para calquera ocasión, incluídos catro restaurantes de especialidades como Qsine (cociña internacional cun enfoque informal e moderno), Tuscan Grille (asador italiano), Murano (cociña europea contemporánea) e Blu (cociña sa).