Katia Calvar e Lúa Piñeiro acadan o bronce no Open de París

Comezou o Open de París e catro dos nosos deportistas xa competiron. E con bos resultados: Katia Calvar e Lúa Piñeiro (ambas en -67 quilogramos) acadaron sendas medallas de bronce.

Lúa Piñeiro quedou exenta do primeiro combate e no segundo superou á croata Jelena Jureta (1-8), para caír nas semifinais contra a francesa Haby Niare nun apertado combate (3-2).

Pola súa banda, Katia Calvar gañou no primeiro cruce a Matea Jelie (Croacia) por 10-9, mentres que en cuartos de final eliminou a a deportista Seham Elsawalhy (Exipto) (2-1). Na semifinal caeu contra a canadiense Melissa Pagnota (13-7).

Non tiveron a mesma sorte Padín e Xian Silva. Francisco Padín (-68) caeu derrotado no primeiro combate contra o portugués Mario Silva (0-0), mentres que Xian Silva (-74) perdeu fronte ao crota Hrvoje Sep (4-11).