Juan Campos será o único representante galego na proba da Copa de España de Resistencia no Xarama

 O próximo fin de semana, días 8 e 9 de Novembro, disputarase no Circuíto do Xarama, decano dos circuítos españois, o  último “meeting” da Copa de España de Resistencia. Os adestramentos ocuparán toda a xornada do sábado, deixando para o domingo as dúas emocionantes carreiras.

O único representante galego neste campionato de turismos en circuíto, Juan Campos, tratará de mellorar xunto co seu equipo o bo resultado obtido no Circuíto de Xerez hai un mes.

O obxectivo para a Escuadra Cerdedoenrali é pelexar, polo menos nunha das carreiras, polos postos de honra do pódium.

Desde o equipo animan aos afeccionados galegos a que se despracen ao circuíto madrileño a gozar da proba, xa que é a máis próxima á nosa comunidade e as carreiras resultan divertidas e espectaculares. Mais de 50 coches no CER e máis de 20 na Clio Cup, ademais as Classic e Legend Series, con vehículos históricos dignos de calquera colección.