Fundación Azkar renova o convenio co Colexio Franciscanos de Lugo

Firmouse o convenio de colaboración que a Fundación Azkar leva realizando os últimos anos coaColexio Franciscanos Lugo, e que ao igual que acontece cos convenios con outras entidades ten como finalidade fundamental a promoción do deporte.

Para conseguir este obxectivo a Fundación Azkar pon a disposición do Colexio Franciscanos Lugo diferentes accións de axuda na formación e colaboración entre as que se encontra a cesión das instalacións da Fundación Azkar no Centro Deportivo Terra para os adestramentos dos diferentes equipos de fútbol sala que compoñen os 50 nenos e nenas da familia de Franciscanos Lugo.