Dental Macía e Spa Dental Macía patrocinarán os equipos de ligas locais do Santiago Futsal

Este fin de semana arrincan as ligas locais de fútbol sala de Santiago de Compostela, polo que todos os equipos da base do club Santiago Futsal poranse a rodar.

O centro Dental Macía e o Spa Dental Macía serán os patrocinadores dos equipos de base das ligas locais do Santiago Futsal durante esta tempada.

O logo do centro Dental Macía e do Spa Dental Macía será visible nas camisetas dos equipos da base das ligas locais do Santiago Futsal. Ademais, os patrocinadores entregarán a cada xogador dos equipos base das ligas locais do Santiago Futsal un cartón da clínica, coa que poderán gozar de moitas e variadas prestacións do centro dental de maneira gratuíta.

Desta maneira, consolídase o patrocinio da Clínica Dental Macía e Spa Dental Macía á base do Santiago Futsal, unha canteira de referencia en metodoloxía de traballo e de valores na educación deportiva.