“Dancing Broadway” repasará os grandes clásicos dos musicais máis prestixiosos no Teatro Jofre

O espectáculo musical “Dancing Broadway” chega o vindeiro sábado, día 8, ao Teatro Jofre dentro da programación escénica da Concellería de Cultura do Concello de Ferrol, que dirixe Manuel-Reyes García Hurtado. A función dará comezo ás 20:00 horas e as entradas poden ser adquiridas a través da páxina web www.ferrol.es (Apartado Axenda Cultural) ou no propio despacho do teatro municipal.

Un fantástico show internacional que repasa os mellores momentos do teatro musical coa presenza dos mellores cantantes e bailaríns da Gran Vía de Madrid. Un espectáculo en directo onde interpretarán e danzarán grandes temas clásicos dos musicais máis laureados e que forman parte da nosa memoria como “Over the rainbow”, “Singing in the rain”, “New Yor, New York” ou as cancións da película Grease. Nova York, a cidade que nunca dorme, a Gran Mazá, o lugar para as oportunidades, o sono americano… Dancing Broadway é un paseo pola danza mundial a través da cidade que serviu de escenario a gran parte das mellores creacións das artes escénicas nos 39 grandes teatros da rúa Broadway. Un paseo no temo dende que os irlandeses comezaron a poboar Five Points ata os nosos días.