Continúan en Monforte as actividades do Día Internacional para a Eliminación da Violencia de Xénero

O xoves 27 de novembro, a concellería de Igualdade a través do Centro de Información á Muller, dará continuidade ás actividades que ten programadas co gallo do Día Internacional para a Eliminación da Violencia de Xénero.

Neste caso realizará un Obradoiro dirixido ó alumnado de 4º ESO de todos os Centros Educativos de Monforte. O obradoiro titúlase “Violencia de Xénero e o novo contexto dixital” e será impartido por PANTALLAS AMIGAS.

O Obradoiro desenvolverase no Salón de Actos da Casa da Cultura ó longo de toda a mañá. No mesmo traballarase dun xeito activo e participativo co alumnado, coa finalidade de fomentar o bo uso das TICs e de previr a violencia de xénero a través das redes sociais.