Benestar Social impulsa a campaña “Activamente” para un envellecemento activo

A Concellería de Benestar Social do Concello de Ferrol, que dirixe Rosa Martínez Beceiro, organiza a campaña de sensibilización “Activamente”, dentro do programa destinado ao envellecemento activo. Esta proposta dirixida a persoas maiores de 60 anos ten como finalidade a introdución da estimulación cognitiva nos seus hábitos de saúde.

Esta campaña consta de sete sesións por asociación veciñal e se desenvolverá nos meses de novembro e decembro. As entidades de veciños participantes nesta campaña de sensibilización para promover o envellecemento activo son as seguintes: Santa Mariña, San Pablo, Ultramar, O Rosario e O Cruceiro de Santa Icía.