publicidade hoxe

As asociacións veciñais de Tomiño colaboran no Nadal Solidario

PUBLICADO EN: Noticias de GaliciaTomiño
A-
A+

Un ano máis, o Concello de Tomiño organiza en colaboración coas asociacións do municipio, o Nadal Solidario. As asociacións veciñais e culturais de Tomiño colaborarán coasconcellerías de Cultura e Benestar Social do Concello de Tomiño, na recollida de xoguetes, libros e alimentos non perecedoiros, cuxo prazo permanecerá aberto até o día 15 de decembro.

Os xoguetes non bélicos e libros de lectura serán distribuídos a través dos Servizos Sociais do Concello, entre persoas demandantes desta prestación social.

Os alimentos non perecedoiros serán distribuídos a través de SOS Tomiño, entre as persoas usuarias desta entidade.

Colaboran as asociacións de veciños/as de Amorín, Pinzás, O Árbol, Os Medos, San Salvador de Sobrada, San Miguel de Taborda, Forcadela, Goián, Rego da Salgosa; de Mulleres Maraghozo e Mulleres Rurais; Centro de Figueiró, cultural Escola Virxe do Alivio e Alecrín, de Carregal; Paso a Paso, ADETO, Banco de Tapóns, Escola Infantil Galiña Azul e Comparsa Ciklon.

26 de novembro de 2014 | 18:48 • Sen comentarios

Comentarios pechados.