AFAL organiza as charlas formativas “Convivindo co Alzheimer”

Baixo o lema “Convivindo co Alzheimer”, AFAL Ferrolterra organizou esta semana dúas charlas formativas para os familiares dos maiores que, cada día, acoden ao Centro de Día Terapéutico que xestiona AFAL Ferrolterra na rúa Río Castro. Dúas charlas centradas en temas propostos polos propios familiares, que exercen o papel de coidador dos enfermos de alzhéimer. Así, a primeira dela celebrouse o pasado mércores e contaba co fisioterapeuta Juan Rúa como relator. Explicaba as técnicas de mobilización para enfermos con mobilidade reducida ou nula.

Esta tarde, a conferencia correu a cargo da traballadora social Jésica Garel. Neste caso, informou as familias de todos os recursos sociais aos que teñen dereito e acceso. Neste sentido, a presidenta da asociación, Milagres Prieto, explica que a formación constitúe un dos alicerces fundamentais de AFAL Ferrolterra desde as súas mesmos inicios e, por iso, parte esencial da programación da entidade.