A vindeira semana ábrese o prazo de anotación para os nenos que desexen desfilar nas cabalgatas de Papá Noel e Reis en Ferrol

A Concellería de Festas do Concello de Ferrol, que dirixe Susana Martínez Galdós, abre o vindeiro luns, día 24, o prazo para que os nenos e nenas que o desexen se anoten para desfilar nas cabalgatas de Papá Noel e Reis Magos, que se celebrarán o 24 de decembro e 5 de xaneiro, respectivamente. Así, aqueles pais e nais que queiran que os seus fillos sexan os acompañantes de Santa Claus ou das súas maxestades de Oriente deben presentar a folla de inscrición, ata o venres 29 de novembro, no departamento municipal de Festas, situado na segunda planta do Consistorial.

Un total de 50 nenos/as participarán na cabalgata de Reis, mentres que 15 serán os menores que acompañen a Santa Claus. Terase en conta o orde de inscrición para seleccionar aos pequenos. As follas de inscrición poderán ser recollidas no departamento de Festas, no Rexistro Xeral, ou na páxina web oficial do Concello: www.ferrol.es e poderán participar os nenos e nenas entre 5 e 16 anos.