A obra “A verdade nos espellos” gaña o XV Premio Risco de Creación Literaria

A verdade nos espellos, é o novo libro gañador do Premio Risco de Creación Literaria que organiza o Concello de Ourense. O xurado ven de resolver a obra gañadora correspondente á XV edición deste certame, que foi elixido dun total de 16 traballos presentados.

A verdade nos espellos é un libro de relatos autoría de Pablo Rubén Jorge Eyré. O xurado destacou que o contexto da literatura galega está moi ligada ao relato tal e como se manifesta neste libro que conecta coa nosa tradición literaria. Asemade subliña como foi artellando os contos, a maneira de traballar os finais, sorprendentes, ben resoltos e destaca tamén a riqueza lingüística do texto e o coidadoso dominio do idioma. Pablo Rubén Jorge Eyré (Rubén Eyré) é natural de Chantada (622697768).

O xurado desta XV Edición do Premio Risco de Creación Literaria estivo formado por:

Rubén Martínez Alonso, gañador da pasada edición

María Garrido, profesora de ensino secundario

Constantino Pazos Sobrino, profesor de ensino secundario

Ánxela Gracián, responsable editorial Sotelo Blanco

Luis Martínez Risco, representante da Fundación Vicente Risco

Premio Risco de Creación Literaria

O Concello de Ourense ven desde hai anos colaborando co Premio Risco de Creación Literaria, unha iniciativa da Fundación Vicente Risco, que ten como finalidade promover a creación literaria nun dos eidos máis amados por Vicente e Antón Risco, como o da Literatura Fantástica. Desde a edición do 2006 pasa formalmente a denominarse Premio Risco de Creación Literaria.

O galardón, que este ano acadou a súa XV edición, conta tamén coa colaboración da editorial Sotelo Blanco. É un premio de carácter anual, co fin de abranguer os diferentes campos da obra non só de quen foi veciño ilustre – Vicente Risco – senón tamén a do seu fillo, don Antón Martínez – Risco Fernández, veciños que foron desta cidade.

A obra gañadora é premiada con 6.000 € xunto coa publicación do libro.

Os premiados das diferentes edicións deste premio son:

2000 A rosa de Borges de Xosé Carlos Caneiro

2001 O Caderno de Xavier López López

2002 A embaixada do vinagre de Xosé Luís Martínez Pereiro

2003 O sangue dos camiños de Ramón Caride Ogando

2004 Deserto

2005 Un escuro rumor tralo silencio de Isidro Novo

2006 Os mércores de Fra de Zurzo Sierra Veloso

2007 Para dicir abril de Xosé Vázquez Pintor

2008 Deserto

2009 A do vinteún de Hixinio Puentes

2010 Deus xogando aos dados de Fernando Méndez

2011 Olladas de Adelaida Vidal

2012 Todos os días, de Alberto Manuel Ramos Ríos

2013 As escaleiras do gran hotel, de Rubén Martinez Alonso