A incidencia na subministración da auga ao parque empresarial de Nigrán tratouse dun feito puntual

A UTE FCC Aqualia, concesionaria municipal do servizo de abastecemento e saneamento de auga en Nigrán, confirmou na mañá de hoxe mediante a remisión dun escrito que a incidencia rexistrada na subministración da auga ao parque empresarial tratouse dun feito illado e puntual, tal e como avanzaron onte fontes municipais ao medio de comunicación que hoxe se fixo eco desta información.

No texto, a empresa aclara que se realizaron as actuacións necesarias para garantir en óptimas condicións a subministración de auga a Porto do Molle, e insiste que se tratou dun feito puntual e localizado, polo que a auga do parque empresarial é totalmente apta para o seu consumo.