A Garda Civil imputou a tres veciños da Estrada por roubo no interior dun vehículo en Vigo

A Garda Civil imputou a G.M.R., de 35 anos de idade, a V.N.C., de 37 e a M.C.L., de 50, os tres veciños da Estrada, como presuntos autores da subtracción de efectos no interior dun vehículo estacionado na Praia de Samil en Vigo o pasado mes de Setembro, entre os que se atopaban unha bandoleira con 1000 euros en efectivo, documentos persoais e un teléfono móbil.

De todo iso, o titular do vehículo, presentou a correspondente denuncia no Posto Principal da Garda Civil de Sanxenxo, iniciándose inmediatamente as correspondentes investigacións por compoñentes do mesmo.

Estas investigacións propiciaron a identidade dos presuntos autores do referido feito delituoso e a súa imputación.

As dilixencias instruídas foron entregadas no Xulgado de Instrución número SEIS de Vigo, onde terán que presentarse os imputados cando para iso sexan requiridos.