A Garda Civil detén a cinco xóvenes por roubos en interior de vivendas de Sanxenxo

Efectos incautados

A Garda Civil detivo a CM.A.A., de 20 anos de idade, a B.P.G., de 18, a S.M., de 23, a D.P.B., de 24 e a un menor de idade, todos eles veciños de Sanxenxo, como supostos autores de, polo menos, 17 delitos de roubo con forza en interior de vivendas situadas en distintas parroquias do referido municipio, cometidos nos últimos meses.

Estas detencións son froito das investigacións que, compoñentes do Posto Principal da Garda Civil de Sanxenxo, viñan realizando e que ademais permitiron a recuperación de parte dos efectos subtraídos así como a imputación por receptación de N.C.F., de 20 anos de idade, de D.P.B., de 24 e de JJ.R.B., de 31, os tres, tamén, veciños de Sanxenxo e aos que se lles interveu no seu poder efectos procedentes dos referidos feitos delituosos.

Os detidos quedaron en liberdade coa obrigación de presentarse ante os Xulgados de Instrución dous de Cambados, xunto cos imputados, cando para iso sexan requiridos, mentres que o menor farao ante a Fiscalía de Menores de Pontevedra.