A campaña de doazón de sangue no Hospital Clínico de Santiago rexistra 48 achegas

A campaña de doazón de sangue desenvolvido polo Centro de Transfusión de Galicia (CTG) o pasado mércores e xoves no Hospital Clínico de Santiago rexistrou un total de 48 achegas.

Segundo informou este luns o CTG, trátase dun “dato especialmente destacable” o feito de que “o 23 por cento das doazóns rexistradas (11), se correspondían con persoa que doaban por primeira vez”.

Esta porcentaxe, segundo resaltou o Centro de Transfusión de Galicia, “contribúe a alcanzar un dos principais obxectivos: incrementar a actual base de doadores galegos”.

Esta visita das unidades móbiles do CTG enmárcase dentro do programa que desenvolve a Consellería de Sanidade para achegar este xesto da doazón a empresas e organismos e institucións públicas e privadas de toda Galicia, colectivo supón “o oito por cento do total anual” das achegas que recolle o centro.

O CTG visitou as instalacións do Hospital Clínico de Santiago en doce ocasións, nos transcursos das cales obtivo 493 doazóns, 77 delas procedentes de persoas que doaban por primeira vez.