A banda coruñesa Sensacional presenta o seu primeiro disco na Sala Mardi Gras

Sensacional

A banda coruñesa Sensacional presentará este venres 7 de novembro o seu primeiro disco, ‘Relatos e invenciones de hoy’, na Sala Mardi Gras da capital herculina.

O concerto, dentro do ciclo SON Estrella Galicia, está previsto para as 22,00 horas e as entradas pódense adquirir por 6 euros anticipadas e 8 en despacho de billetes.

Sensacional presentou varios temas do seu debut hai xa uns meses e agora, este 1 de novembro, acábao de publicar, baixo o título ‘Relatos e invenciones de hoy’ e cun tota de 12 pistas.

Son, segundo os seus promotores, “un catalizador de todo o bo que o pop de guitarras deu nestas últimas décadas”. “Desde a faceta máis clásica das illas británicas, á forza noventera dos americanos, sempre levado ao seu terreo cunha lírica ben coidada”, apuntan.

Na liña dos primeiros temas que ensinaron hai uns meses como ‘Lo que te pierdes’ e ‘Que merezca la pena”, seguen “pisando forte o acelerador dos coros e os riffs”. Todos os temas terminan por compactar un retrato de historias cotiás vistas a través dun prisma pop.