A Baña investirá 156.000 euros na reparación de 40 quilómetros de vías municipais
O Concello da Baña investirá 156.000 euros nos próximos meses para manter e reparar 40 quilómetros de vías de comunicación municipais. As actuacións, que serán adxudicadas nos próximos días, están enmarcadas no programa do Plan DCT 2014 e afectan a todas as parroquias do Concello da Baña. As obras consisten no mantemento de vías que inclúe na maioría dos casos a limpeza de contas e o asfaltado destas infraestruturas. Algunhas das zonas que verán melloradas as súas vías serán Suevos, Marcelle, O Barro, San Mamede, Lañas, Ordoeste, Corneira, A Riba, entre outras. As obras, unha vez adxudicadas, comezarán a executarse nos próximos meses.