Tras suxerir Feijóo que Currás non será nomeado para Tragsa o exrexedor responde: “Se o di o presidente…”

O exrexedor de Santiago de Compostela e actual responsable de Relacións Institucionais, Ángel Currás, remitiuse ás palabras pronunciadas polo presidente da Xunta, Alberto Núñez Feijóo, e rexeitou tanto interpretalas como aclarar publicamente cál será o seu futuro.

No pleno do Parlamento, o mandatario autonómico sementou dúbidas sobre o posible nomeamento como delegado de Tragsa en Galicia de Currás, dobremente imputado na ‘Operación Pokémon’ e por un suposto acoso laboral a un policía local. O posto na empresa pública depende do Goberno central.

Nunha breve conversación, na que insistiu en que subliñou que non quería facer declaracións públicas, Currás non quixo responder a se estas palabras de Feijóo significan que permanecerá no Concello nin aclarar se será ou non nomeado delegado da empresa pública.

A este respecto, e ao ser preguntado polo manifestado no pleno por Núñez Feijóo, Currás remitiuse ás palabras pronunciadas na Cámara. “Se o di o presidente…”, limitouse a expresar.