Suevia Agrelo Álvarez gaña o desconto de 6.000 euros do 6º Salón do Automóbil de Ourense

Entrega do cheque

Suevia Agrelo Álvarez recibiu esta mañá no concesionario de Tómovil Cuevas de Ourense o cheque desconto de 6.000 euros que gañou ó mercar un vehículo e participar así no sorteo promovido pola Asociación de Concesionarios de Automóbiles de Ourense (A.C.A.U.T.O.) e Expourense durante o 6º Salón do Automóbil que se celebrou durante as dúas primeiras fins de semana de outubro no recinto feiral.

Un dos principais atractivos destas citas era este desconto de 6.000 euros entre todos aqueles que mercaran o seu coche, tanto no salón do automóbil novo como no de ocasión. Entre os máis de 200 vehículos vendidos, A.C.A.U.T.O. realizou o pasado luns día 13 de outubro o sorteo ante Notario que deu como gañadora a Suevia Agrelo Álvarez, quen mercou en Expourense un Ford Focus do concesionario de Tomóvil Cuevas. Filla dunha veciña de Xinzo de Limia, Suevia Agrelo é natural de A Estrada aínda que reside en Sanxenxo.

Esta mañá fíxoselle entrega tanto do cheque desconto como do propio vehículo. O cheque foille entregado polo xerente de Tomóvil, José Manuel Alonso, e pola directora adxunta de Expourense, Emma González. A afortunada, que acudiu a Expourense coa idea máis de comparar ofertas e prezos ca de comprar, comentou que “foi a posibilidade de que me tocara o desconto o que me decidiu a pechar a compra do coche nese momento pero non sabía que se venderan tanto vehículos. Tiven moita sorte!”.