Robertas Geralavicius foi o único Ximnástico entre os 10 primeiros da carreira popular de Santiago

Preto de 4.000 corredores, tomaron a saída na tradicional carreira popular de Santiago de Compostela, nunha mañá agradable que animou moito aos atletas participantes.

Unha vez máis a Sociedade Ximnástica non faltou á cita e aínda que non obtivo uns brillantes resultados, como en pasadas edicións, hai que destacar o quinto posto de Robertas Geralavicius, despois de gañar a semana pasada o Medio Maratón de Pontevedra.

Moi preto dos dez primeiros estivo Rubén Diz, que entrou en meta no posto undécimo.

Javier Paredes impúxose na carreira da Carballeira

O barrio ourensán da Carballeira, organizou o domingo a última carreira do Circuíto de carreiras populares do Concello de Ourense, con vitoria do atleta da Sociedade Ximnástica, Javier Paredes.

Con este triunfo Javi asegúrase a vitoria no circuíto que dominou de punta a cabo, con 4 vitorias nas seis carreiras celebradas.

Con esta competición a Sociedade Ximnástica dá por terminada oficialmente a tempada, cun balance moi positivo. A partir do 1 de novembro dará comezo outro curso atlético, o que será o número 88 para a veterana Sociedade.