Partovia será a seguinte cita para informar sobre o PXOM do Carballiño

O edil de Obras xunto co alcalde do Carballiño continuan celebrando reunións cos veciños das distintas parroquias, co fin de achegarlles a maior información sobre o avance do plan xeral de ordenación urbana. Até a data xa visitaron as parroquias de Cabanelas, Banga, Baron e Sagra. Este martes, 21 de outubro, estarán no centro social da parroquia de Mesego, e o xoves no de Partovia.

O seguinte ciclo de reunións informativas comezará o 28 de outubro, no local social de Torrón, e o xoves 30 no de Señorín. Durante o mes de novembro o alcalde, xunto co edil de Obras e o técnico municipal, manterán reunións cos veciños de Veiga, o martes 4, os de Madarnás o xoves 6, para continuar a semana seguinte en Mudelos, o martes 11 de novembro, e en Seoane o xoves 13. Todas estas reunións terán lugar ás 20:00 nos distintos locais sociais.