O Celta estrea un microbús ideado para achegarse á súa afección
O Real Club Celta estrea mañá, coa colaboración de Espazo Vigo, unha nova ferramenta ideada para achegarse á súa afección. Trátase dun microbús celeste deseñado para albergar todo tipo de iniciativas dirixidas aos seguidores, desde a de exercer de punto de información durante as campañas de abonados e de venda de produtos da tenda oficial até a de acoller firmas de autógrafos dos futbolistas. O vehículo estará estacionado este martes a partir das 13.00 horas no cruzamento das rúas Urzáiz e Colón, na entrada da rúa do Príncipe, para atender aos seguidores celestes e xa pola tarde, de 18.00 a 19.00 horas, acollerá unha firma de autógrafos de Fabián Orellana.
Este micro bus, personalizado con diversos motivos celestes, permitirá atender aos afeccionados e difundir a marca Celta ao longo de toda a xeografía galega.
España-Alemaña: entradas á venda mañá no despacho de billetes online do Celta
Duelo de titáns entre dúas das superpotencias do fútbol mundial. España e Alemaña mediranse o próximo 18 de novembro nun enclave único: Balaídos. Vigo acollerá o amigable entre a actual Campioa de Europa e a Alemaña de Joachim Löw que conquistou o título mundial na final do último Campionato disputado en Brasil.
Nesta ocasión, e co fin de facilitar a compra de entradas para o que se antolla un partido apaixonante, os afeccionados poden adquirilas desde o martes 28 de outubro a partir das 12:00 horas, a través da seguinte páxina web: www.celtavigo.org/taquillaCelta
A venda nos despachos de billetes do estadio Balaídos será a partir do luns 3 de novembro, en horario de 10:00 a 14:00 e de 17:00 a 20:00 horas.











