Noite de Calacús en Pontevedra

Unha actividade dirixida a nenas e nenos conforma, como aconteceu nos últimos anos, a celebración do Samaín pontevedrés na víspera do simbólico 1 de novembro.  Para recrear os ancestrais costumes do país, a concellería que dirixe Carme da Silva programou un obradoiro de talla de cabazas con fins asustadizos. 

Serán obradoiros que terán lugar na Praza da Verdura desde as 6 da tarde, abertos a toda persoa que queira participar, e dirixidos por animadores culturais, que ensinarán as técnicas de talla máis doadas para conseguir un bo obxecto de sorna para este día de tan fonda raigame na cultura tradicional galega.